Дали сакате вашите ученици да работат на реални предизвици и да создадат сопствени дигитални решенија? Ве покануваме да бидете дел од Innovate4Europe – национален хакатон кој ги претвора училниците во лаборатории за иновации.
Краен рок за пријавување: 03.04.2026
Хакатонот ги поврзува учениците со реални општествени предизвици и ги развива нивните вештини за 21 век – креативно размислување, тимска работа и користење на технологија за решавање проблеми.
Како наставник-ментор, ќе водите мал тим ученици низ процес на истражување, креирање идеја и развој на едноставно дигитално решение.
Ова не е само натпревар – ова е искуство за професионален развој и тимска работа. Како наставник-ментор, ќе добиете:
Конкретни методи и пристапи кои можете веднаш да ги примените во наставата (април 2026).
Пристап до водичи за менторство, најнови дигитални алатки и подготвени шаблони за предизвици.
Станувате дел од регионалната заедница на наставници во рамките на Неделата на кодирање (Code Week).
Клучни датуми и активности на кои треба да обрнете внимание.
Еднодневна обука за наставници.
Формирање на ученички тимови и подготовка на мини-проекти со наша поддршка.
Innovate4Europe Хакатон, каде вашите тимови ќе ги презентираат своите решенија пред стручно жири.
Повикот е отворен за сите наставници од основните и средните училишта кои сакаат да ги водат своите ученици низ процес на креативно решавање проблеми.
Не е потребно предзнаење од програмирање – активностите се дизајнирани да бидат достапни за сите наставници.
Краен рок: 03.04.2026
Оваа активност се имплементира од страна на СмартАП – Лабораторија за социјални иновации Скопје, во рамките на проектот Innovate4Europe хакатон како дел од Code Week EU програмата, а финансирана од Junior Achievement of Albania.